Тошкент шаҳар Учтепа туманидаги тунги клубга ташриф буюрган Карантин гуруҳи аъзолари ушбу масканда карантин қоидалари қўпол равишда бузилаётганига гувоҳ бўлишди. Дастлаб ҳуқуқ-тартибот органлари ходимларини чалғитиш учун клубнинг эшиклари ёпиб олинди. Ходимлар узоқ вақт тақиллатганларидан кейин хўжайинлар эшикни очишга мажбур бўлишди.
Ушбу тунги клуб аввал ҳам бир неча марта карантин тартибини бузгани аниқланган. Кўп марта огоҳлантиришларга қарамасдан мазкур тунги клуб чекловларни менсимай ўз фаолиятини давом эттирмоқда. Бу сафар эса ИИБ Карантин назорати гуруҳи вакиллари келганини пайқаган клуб жамоаси мижозларни ичкарида яшириб қўйиб, 3 соатча ушлаб туришгани айтилмоқда. Тафсилотларни батафсил видеода кўришингиз мумкин:
