17 декабрь - Миллий кинематография кунига бағишлаб “Ўзбекистон маданий мероси - янги Уйғониш даври пойдевори” IV Халқаро конгресси доирасида “Ўзбекистон кинематографияси: ўтмиш, бугун, келажак” киноконференциясининг очилиш маросими ўтказилди. Бу ҳақда Uzbektourism.uz хабар қилмоқда.
Тадбирда Ўзбекистон Республикаси Бош вазири ўринбосари, Туризмни ривожлантириш давлат қўмитаси раиси Азиз Абдуҳакимов кинематография жаҳон кино макони маданиятининг муҳим таркибий қисми экани ва Ўзбекистон ўз шарафи билан чегараларидан ташқарида ҳам маълум бўлган бой кинобиографияга эга мамлакат экани борасида нутқ сўзлади. Жумладан, Комил Ёрматов, Малик Қаюмов, Шуҳрат Аббосов каби номлар ҳар қандай ҳақиқий кино мухлисларига танишдир.
“Замонавий ўзбек кино санъати ўзининг истеъдодли ижодкорлари ҳамда фильмлари билан фахрланиши мумкин. Бугунги кунда кинематография соҳасига давлат томонидан катта эътибор қаратилмоқда. Давлатимиз раҳбари айтганларидек, кино - тарбиянинг асоси. Биз кинематограф мактабини очишимиз керак. Ҳозир сифатли расмлар етишмайди, лекин яхши кино асарларини ишлашга иштиёқ бор. Албатта, Ўзбекистон тарихи ҳақида фильм олиниши керак, бунинг вақти ҳам келди”, – деди Бош вазир ўринбосари.
