Қозоғистонда чеклов чоралари 2020 йил 25 декабрдан 2021 йил 5 январгача кучайтирилади, деб хабар берди Kazakhstan Today.
Келгуси йилнинг январь-февраль ойларида гриппнинг ўсиши фонида коронавирус инфекциясининг кўпайиши хавфи мавжуд, деб хабар қилди Қозоғистон Республикаси Бош вазири матбуот хизмати.
Шу муносабат билан бир қатор қарорлар қабул қилинди:
1. 2020 йил 25 декабрдан 2021 йил 5 январгача кўнгил очиш, спорт ва бошқа оммавий тадбирларни, шу жумладан Янги йил байрамлари ва байрамона корпоратив тадбирларни ўтказишни тақиқлади.
2. Тенгиз конида эпидемиологик вазият барқарорлашгунча чеклов чораларини кучайтирилади.
3. Aнтикоид дори-дармонларнинг чакана савдо тармоғидаги нархларини ўртача 24 фоизга пасайтириш бўйича чоралар кўрилади.
Шу билан бирга, таълим сифатини таъминлаш мақсадида Таълим ва фан вазирлигининг таклифига биноан, шунингдек жамоатчилик фикри ҳисобга олинган ҳолда қуйидагилар қарор қилинди:
- ўқув йилининг учинчи чорагидан бошлаб битирув машғулотлари учун (9, 11, 12-синфлар) санитария-епидемиология талабларига риоя қилган ҳолда бирлаштирилган таълим (70% субъектлар - анъанавий форматда, 30% - масофадан туриб);
- ўқув йилининг учинчи чорагидан бошлаб мактаб ўқувчиларининг дарсдан ташқари соатларда билимларидаги йўқотилишини тўлдириш мақсадида 5 кишидан кўп бўлмаган гуруҳларда индивидуал консултацияларни ташкил этиш;
- иккинчи семестрдан коллеж ва олий ўқув юртлари талабаларининг бирлашган таълимини тиклаш белгиланди.
Эслатиб ўтамиз, сал аввал Ўзбекистонга 25 декабрдан карантин чекловлари қайтиши ҳақидаги хабарга ойдинлик киритилган эди.
