Ижтимоий тармоқда кийимсиз эркакнинг йўл ўртасига чиқиб, "Каптива"нинг йўлини тўсиб, жамоат жойида юриш-туриш қоидаларини бузиб, йўлда ҳаракатланаётган транспорт воситаларининг эркин ҳаракатига халақит берганлиги ҳолати акс этган.
Воқеа Самарқандда содир бўлгани айтилган.
Самарқанд вилояти ИИБ Ахборот хизматининг darakchi.uzга берган хабарига кўра, олиб борилган суриштирувлар натижасида ушбу ҳуқуқбузарликни Самарқанд тумани, Миронқул МФЙда яшовчи 25 ёшли С.Б., спиртли ичимлик таъсирида содир қилганлиги аниқланиб, унга нисбатан Ўзбекистон Республикаси Маъмурий жавобгарлик тўғрисидаги Кодекснинг 183-моддаси (Майда безорилик) тартибида маъмурий баённома расмийлаштирилган ва тўпланган ҳужжатлар якуний қарор қабул қилиш учун Самарқанд тумани Маъмурий судига юборилган.
