Бугун ижтимоий тармоқларда Фарғонада безатилган арчанинг ёниб кетгани акс этган видео тарқалди.
Фарғона вилояти ФВБ Ахборот хизматининг маълум қилишича, бугун, 23 декабр куни соат 13:26 ларда Фарғона шаҳар марказий деҳқон бозори кириш эшиги қаршисида ўрнатилган сунъий 4 метрли арча ёнган.
Ўт ўчирувчилар ёнғинга соат 13:27 да чиқиб, 13:30 да етиб борган.13:31 да ёнғин қуршаб олиниб, 13:33 да ўчирилган. Воқеа жойига вилоят ФВБ раҳбари чиққан. Ёнғинни бартараф қилиш учун 1 та ёнғин қутқарув экипажи жалб этилган.
Ёнғин оқибатида ҳеч қандай талафот ва фуқароларнинг жабрланиш ҳолатлари кузатилмаган, дейилади расмий муносабатда.
