Аввалроқ, Тошкент метросининг "Алишер Навоий" бекатида1982 йилда туғилган аёл атайлаб яқинлашиб келаётган поезд йўлига ётиб олгани ҳақида хабар берган эдик. Айни пайтда ИИВ Ахборот хизмати мазкур ҳолат юзасидан қўшимча маълумотлар тақдим этди.
Маълум бўлишича, фуқаро ўзини метро рельсига ташлашдан аввал мувозанатни сақлаб туриши ҳақида метрополитен ходимлари томонидан огоҳлантирилган. Бироқ, бекатга поезд яқинлашиб келаётган пайтда аёл рельсга тушиб, ётиб олган. Макур жойда хизмат олиб бораётган ИИВ ходимлари, метрополитен хизматчилари томонидан олиб борилган тезкор чора-тадбирлар натижасида бекатга кириб келаётган поездни тўхтатиб қолишга эришилган. Шундан сўнг, аёл поезд йўлидан олиб чиқилиб, ички ишлар хонасига олиб борилган ва унга биринчи ёрдам кўрсатилган. Аниқланишича, аёл спиртли ичимлик таъсирида бўлган ва шу сабаб ундан ҳолат юзасидан тўлиқ маълумот олиш имкони бўлмаган. Аёл Тошкент шаҳридаги 16-шифохонага олиб борилган. Ҳозирда мазкур ҳолат юзасидан тегишли суриштирув ишлари олиб борилмоқда.
