“Оқ тепа-лаваш'да маҳаллани қўлга олганлардан бири катта жанжал кўтарди" сарлавҳаси остида хабар тарқалган эди. Ҳолат юзасидан ИИБ изоҳ берди. Бу ҳақда "Sevimli" каналининг "Zamon" информацион дастурида хабар берилди.
Қайд этилишича, 28 ноябрь куни тунги 23:00 да ИИБнинг 02 қисқа телефон рақамига “Оқ тепа-лаваш” олдида ёшлар томонидан жанжал кўтарилгани хақида хабар келиб тушган. Зудлик билан воқеа жойига Чилонзор туманининг ички ишлар ходимлари етиб келишган. Безорилик қилган йигитнинг шахси аниқланган.
Мазкур “жанжал”да қатнашган 5 та фуқародан 3 таси вояга етмаган шахслар эканлиги аниқланган. Такидланишича, ҳеч кимга тан жароҳат етказилмаган.
Ҳозирда уларга нисбатан Маъмурий жавобгарлик тўғрисидаги Кодексининг 183-моддасида (майда безорилик) назарда тутилган ҳуқуқбузарлик аниқланганлиги боис, улар маъмурий тартибда ушланиб, тегишли ҳужжатлар расмийлаштирилди.
Мазкур ҳолат Тошкент шаҳар Ички ишлар Бош бошқармаси томонидан назоратга олинган. Тергов ҳаракатлари якунига кўра, қўшимча хабар берилади.
