2020 йилнинг 26 декабрь куни Термиз шаҳридаги майдонлардан бирида ўрнатилган арча кучли шамол натижасида қулаб тушган ва ушбу ҳолат акс этган суратлар ижтимоий тармоқларда тарқалиб кетган.
Маълум бўлишича, қулаган арчани шаҳар ҳокимлиги биносида ишлаётган ходимларидан бири расмга олган ва танишларидан иборат ижтимоий тармоқдаги гуруҳга ташлаган. Натижада сурат тарқалиб кетган.
Kun.uz (Сурхондарё вилояти) хабар беришича, арчани расмга олган ходимдан ишдан бўшаш аризаси ёздирилиб олинган.
"Ҳолбуки, қулаган арчанинг бошқалар томонидан туширилган суратлари ҳам тарқалиб кетган эди", дейилади хабарда.
