Ижтимоий тармоқда Бухоро шаҳар кўчаларидан бирида "Нексия-3" русумли 80 H 884 DA давлат рақам белгили автомобиль ҳайдовчиси йўл ҳаракати қоидаларини четлаб ўтган ҳолда, йўлнинг қатнов қисмида тўхтаганлиги ва бу қоидабузарлиги билан бошқа ҳаракат қатнашчиларининг эркин ҳаракатига ҳалақит берганлиги ҳолати акс этган видео лавҳа тарқалди.
Йўл ҳаракати хавфсизлиги Бош бошқармаси маълумотига кўра, мазкур видео лавҳадаги ҳолат Бухоро шаҳар ИИО ФМБ ЙҲХБ масъул ходимлари томонидан ўрганилган ва қоидабузар ҳайдовчига белгиланган тартибда чора кўрилган.
