"Ўзбеккино" Миллий агентлиги Ахборот хизматининг хабарига кўра, кино ҳафталигининг иккинчи куни “Зумраша” киножурналининг келажакдаги фаолияти муҳокамаси билан бошланди. Киножурнал бир неча йиллардан буён болалар учун туркум фильмлар тақдим этиб келади.
Давра суҳбатида ҳам “Зумраша” киножурналининг эртанги фаолиятига назар ташланиб, қилиниши керак бўлган ишлар белгилаб олинди. Унда Ўзбекистон Халқ артисти Хайрулла Саъдиев, Ўзбекистонда хизмат кўрсатган санъат арбоби Абдураҳим Исмоилов, Шариф Қосимбоев, Эркин Бозоровлар билан бирга ёш ижодкорлар, иқтидорли сценарийнавис ва режиссёрлар иштирок этишди. Йиғилганлар томонидан таклиф ва мулоҳазалар билдирилиб, киножурнал фаолияти билан боғлиқ масалалар бўйича фикр алмашилди.
