11 январдан буён “Ўзбеккино” МА томонидан Ёшлар ижод саройида "Ўзбек миллий кино санъати ҳафталиги" ўтказилмоқда.
Катта премьералар, эксклюзив шоулар ва маҳорат дарсларини ўзида қамраб олган киноҳафталикнинг учинчи куни ҳам ўзига хос бўлиши кутилмоқда.
Кун давомида таниқли кинорежиссёр ва сценарист Али Хамроевнинг “Ўзбекистонда замонавий фотография ва тезкор суратга олиш”, Россияда хизмат кўрсатган артист, маҳоратли актёр Фарҳод Маҳмудовдан “Кино менинг ҳаётим”, Ўзбекистонда хизмат кўрсатган маданият ходими, маҳоратли кинорежиссёр Аюб Шаҳобиддиновнинг “Кинода замонавийлик ва профессионаллик сирлари” мавзусида ёш киноижодкорлар учун маҳорат дарслари бўлиб ўтиши режалаштирилган.
Куннинг иккинчи қисмида кастинг ҳамда “Ёшлар ижодий-тажриба студияси” ДУКнинг “2021 йил режалари тўғрисида йўл харитасини ишлаб чиқиш” мавзусида давра суҳбатлари ташкил этилади.
Жорий кун яна Олмазор туманида жойлашган “Riviera” кинотеатрининг очилиш маросими ҳам ўтказилиши белгиланган. Очилиш маросимидан кейин янги кинотеатрда маҳоратли режиссёр Ёлқин Тўйчиевнинг “Фариданинг икки минг қўшиғи” бадиий фильми намойиш этилади.
