Президент маслаҳатчиси Зоир Мирзаевга “Aъло хизматлари учун” кўкрак нишонини топширди. Бу ҳақда Қашқадарё вилоятининг Ахборот хизмати маълум қилди.
Қашқадарё вилояти ҳокими Зоир Мирзаев “Aъло хизматлари учун” кўкрак нишони билан тақдирланди. Нишонни Президент маслаҳатчиси Турсинхон Худойбергенов топширди.
Бу ҳақда хабар берган вилоят ҳокимлиги ахборот хизматининг ёзишича, кўкрак нишон Шаҳрисабз шаҳридаги Темурбеклар мактаби очилишида топширилган.
Зоир Мирзаевнинг матбуот котиби Aҳрор Содиқовнинг маълумот беришича, вилоят ҳокими мазкур нишонга қадар 2008-йил “Меҳнат шуҳрати” ордени, Мустақилликнинг 15, 20 ва 25 йиллиги кўкрак нишони, Миллий гвардиянинг “Намунали хизматлари учун” кўкрак нишони, “Ўзбекистон Республикаси қишлоқ хўжалиги фидойиси” кўкрак нишонлари билан тақдирланган.
