Жиззах шаҳрида фуқаронинг электр энергиясидан ноқонуний фойдаланганлиги ҳақидаги далолатномани йўқ қилиб бермоқчи бўлган электромонтёр ушланди. Бу ҳақда Бош прокуратура Матбуот хизмати Даракчи.узга маълум қилди.
Хабарда айтилишича, Бош прокуратура ҳузуридаги Департаментнинг Жиззах шаҳар бўлими томонидан ўтказилган тезкор тадбирда, “Жиззах ҳудудий электр тармоқлари корхонаси” АЖ бўлим электромонтёри М.Я. фуқаро А.Х.нинг хонадонида электр энергиясидан ноқонуний фойдаланганлиги юзасидан тузилган далолатномани йўқ қилиб бериш эвазига 1,5 млн сўмни олган вақтида ашёвий далил билан қўлга олинган.
Шунингдек, терговга қадар текширувда, М.Я. 2 нафар фуқаронинг электр энергиясидан бўлган 7,2 млн сўм қарздорлигини базадан ўчириб бериш эвазига уларнинг 200 АҚШ доллари ва 1,4 млн сўмини фирибгарлик йўли билан қўлга киритганлиги аниқланган.
Мазкур ҳолат юзасидан М.Я.га нисбатан ЖКнинг 168-моддаси 3-қисми билан жиноят иши қўзғатилиб, тергов ҳаракатлари ўтказилмоқда.
21.04.2024, 16:18
1 майгача ҳисоб рақам тўлдириб қўйилса, электр энергияси ва табиий газ бўйича 2 ой мобайнида эски тариф амал қилади. Бу ҳақда Энергетика вазирлиги хабар қилди. Янги...
23.10.2021, 20:47
Афғонистондаги электр станциясида бўлган портлашни “Ислом давлати” террорчилик гуруҳи ўз зиммасига олди. Натижада Қобул электр таъминотисиз қолиб кетди, дея хабар бермоқда ҳаама Пресс ташкилот баёнотига...
22.10.2021, 17:56
Афғонистон пойтахти Қобул шаҳри ва бир нечта вилоятлар электр станциясида содир бўлган портлаш сабабли электрсиз қолди. Бу ҳақда мамлакат энергетика корпорацияси хабар бермоқда.Қайд этилишича, пойтахтнинг...
13.01.2020, 12:02
Қашқадарё вилояти Ғузор тумани Меҳнатобод МФЙда жойлашган хонадонда мана икки йилки электр энергияси мавжуд эмас. Бу ҳақда Keshnewsга келиб тушган Ғузорлик икки нафар фарзанднинг онаси бўлган фуқаро томонидан қилинган мурожаатда айтилган.Хонадонга...
