Трампнинг таъкидлашича, у сўнгги ўн йилликларда "янги урушларни бошламаган" АҚШнинг биринчи президенти бўлганидан фахрланади. Бундан ташқари, республикачининг сўзларига кўра, у "дунёни Хитойга қарши ҳеч қачон юзма-юз келмаслик учун бирлаштирди". Бу ҳақда rbc.ru хабар бермоқда.
Америка Қўшма Штатларининг 45-президенти Доналд Трамп хайрлашиш нутқида ўз фаолияти давомида ғурурланадиган ютуқларини санаб ўтди. Давлат раҳбарининг нутқи Оқ уйнинг YouTube каналида эълон қилинган.
"Биз бу ҳафта янги маъмуриятни очмоқдамиз ва мен Американи хавфсиз ва фаровон сақлашда унинг муваффақияти учун ибодат қиламан", деди Трамп. Унга кўра, у бошлаган сиёсий ҳаракат "эндигина бошланмоқда". "Мен ҳокимиятни янги маъмуриятга ўтказганимдан сўнг, биз ва сиз бошлаган ҳаракат энди бошланганини билишингизни истайман" деди президент. Тўрт йиллик ҳокимиятни якунларини сарҳисоб қилар экан, Трамп сўнгги ўн йилликларда "янги урушларни бошламаган" АҚШнинг биринчи президенти эканлигини айтди.
"Мен, айниқса, янги уруш бошламаган ўн йилликлардаги биринчи президент бўлганимдан фахрланаман", деган Америка раҳбари.
Мавзуга доир:
АҚШ тарихида биринчи марта: Трамп иккинчи импичментни қабул қилди
