Муваффақиятли тадбиркор, "Murad Buildings" қурилиш компаниясининг асосчиси Мурод Назаров уни «катта одамлар» қўллаб туриши ҳақидаги гап-сўзларга видео муносабат билдирди.
" Мени орқамда ҳеч ким турмайди. Мен етимликда катта бўлганман. Ҳар доим ҳаракат қилганман, тиришганман, ўз устимда ишлаганман. Ҳақиқатдан ҳам кўп нарсага эришган, яхши инсонлардан ўртоқларим кўп. Бу инсонлар билан мени ҳеч ким таништириб қўймаган. Бу инсонлар ҳам ўзидан ўзи кучли бўлиб қолишмаган. Ўзларини устидан ишлашади, ҳаракат қилишади.
Сиз ҳам ўз устингиздан ишланг, ўртоқларингиз кўп бўлсин, ишингиз юришсин, омадингизни берсин! Сизнинг ишингиз яхши бўлса, атрофдагиларга ҳам яхши бўлади", дейди тадбиркор.
Маълумот учун: Мурод Назаров Тошкент шаҳрида туғилган. Унинг ота-онаси ўқитувчилар эди - онаси педагогика мактабида, отаси эса Тошкент давлат шарқшунослик институтида (ТошГИВ) ўқиган ва айнан у ўғлида билимга муҳаббатни уйғотган. Мурод ўзининг биринчи уйини отаси билан қуришни бошлаган, аммо отаси тўсатдан вафот этганидан кейин бошлаган ишини ўзи тугатиши керак эди. Ўша пайтда у атиги 14 ёшда эди. Уй оила учун қурилганига қарамай, қурилиш ишлари тугагандан сўнг, кўп миқдордаги фойдали сотиб олиш таклифлари кела бошлади. Мурод онасининг розилиги билан уни сотиб, бошқасини қуришга қарор қилади. Вазият иккинчи уй билан такрорланади.
