Ўзбекистонда “Болалар Омбудсмани тўғрисида”ги қонун қабул қилинади

ЖАМИЯТ 23.01.2021, 09:14
Теглар: Болалар, Омбудсман
Ўзбекистонда “Болалар Омбудсмани тўғрисида”ги қонун қабул қилинади

2021 йил 18 январ куни Ўзбекистонда ёшларга оид давлат сиёсатини 2025 йилгача ривожлантириш концепцияси ҳамда уни 2021-2022 йилларда амалга ошириш бўйича “йўл харитаси” тасдиқланди

Қарорга кўра, Концепциянинг мақсад ва вазифалари қуйидаги 4 босқичда амалга оширилади:

  • ёшлар соҳасида мавжуд муаммоларни аниқлаш;
  • муаммоларни ҳал этишга қаратилган аниқ ечимларни ишлаб чиқиш;
  • аниқланган муаммоларни ҳал этиш чораларини кўриш ва ишлаб чиқилган таклифларни амалга ошириш; 
  • муаммоларнинг ҳал этилиши ва таклифларнинг амалга оширилиши самарадорлигини мониторинг қилиш.

Қарор билан тасдиқланган “йўл харитаси”га мувофиқ, “Болалар Омбудсмани тўғрисида”ги қонунини қабул қилиш назарда тутилган.

Концепцияни амалга ошириш натижасида, жумладан:

  • мактабларда 7-синф ўқувчиларининг касблар кесимида қизиқишини аниқлаш, 8-9-синф ўқувчиларини замонавий ва истиқболли касблар билан таништириб бориш, 10-синфдан ўқувчиларни давлат ва нодавлат ўқув марказлари ёрдамида касбга ўргатиш ва уларнинг харажатларини “ваучер” тизими орқали қоплаб бериш механизми яратилади;
  • маданият ва санъат билан мунтазам шуғулланадиган ёшлар сони 30 фоизга оширилиб, уларнинг халқаро танлов ва фестиваллардаги иштироки 40 фоизга етказилади;
  • ёшларнинг 30 фоизи оммавий спорт турлари билан мунтазам шуғулланишига эришилади;
  • республикада 3-7 ёшгача бўлган болаларнинг 80 фоизи мактабгача таълим ташкилотларига қамраб олинади;
  • барча ҳудудларда IT-парклар барпо этилади, туман(шаҳар)ларда Рақамли технологиялар ўқув марказлари ташкил этилади, “Бир миллион ўзбек дастурчи” лойиҳаси асосида 200 мингга яқин ёшлар ўқитилади;
  • волонтёрлик фаолиятининг институционал тузилмалари яратилади.

Концепция, эришилган натижалардан келиб чиққан ҳолда, 2023 йилдан бошлаб ҳар йили тасдиқланадиган тегишли “йўл хариталари” асосида босқичма-босқич амалга оширилади.

Шарҳлар

Гендер тенглигини таъминлаш бўйича Омбудсманлар учрашуви ўтказилди

10.12.2021, 08:43

Кеча, 9 декабрь куни Олий Мажлиснинг Инсон ҳуқуқлари бўйича вакили (омбудсман) Халқаро Инсон ҳуқуқлари куни арафасида Қозоғистон Республикаси Инсон ҳуқуқлари бўйича вакили “БМТ - аёллар”...
Уйда даволанаётган болаларни қандай овқатлантириш керак? Мутахассисдан тавсиялар

27.11.2021, 12:53

Иссиқ жон иситмасиз бўлмайди, деган гап бор халқ орасида. Айниқса, куз-қиш даврида мавсумий касалликлар янада кўпайиши табиий ҳол.Мана, ҳозир ҳам шундай мураккаб бир палла. Болалар...
Ўзбекистон ва Туркия Омбудсманлари ўртасида меморандум имзоланди 

23.11.2021, 06:28

Жорий йилнинг 22 ноябрь куни Олий Мажлиснинг Инсон ҳуқуқлари бўйича вакили (омбудсман) Феруза Эшматова Туркия Республикаси пойтахти Анкара шаҳрида Туркия Парламентининг бош Омбудсмани Шереф Малкўч...
ССВ: "246 минг нафардан ортиқ бола ихтиёрий равишда вакцина билан эмланди"

04.11.2021, 10:59

 Ўзбекистонда 3 ноябрь ҳолатига кўра, 12 ёшдан 18 ёшгача бўлган болалар орасидан 246 033 нафари Pfizer вакцинаси билан ихтиёрий равишда эмланди. Бу ҳақда Соғлиқни сақлаш...
Об-ҳаво: Тошкент
+13.97°
Валюта курси
1