Бугун, 11 июль куни Жанубий Африканинг “Мамелоди Сандаунс” клуби ва миллий терма жамоаси ярим ҳимоячиси Жейден Адамс 25 ёшида вафот этди. Бу ҳақда “Soccer Laduma” нашри хабар берди.
Ҳозирча футболчининг ўлими сабаби расман очиқланмаган. Бироқ дастлабки маълумотларга кўра, у ўз жонига қасд қилган.
Адамс 2025 йилда “Мамелоди Сандаунс” сафига қўшилган эди. У жамоа либосида 27 та учрашувда майдонга тушиб, 4 та гол муаллифи бўлган. Унга қадар эса беш йил давомида Жанубий Африканинг “Стелленбош” клубида тўп сурган.
Ярим ҳимоячи 2025-2026 йилги мавсумда “Мамелоди Сандаунс” билан Африка Чемпионлар лигаси ғолиблигини қўлга киритган.
Жейден Адамс Жанубий Африка миллий терма жамоаси сафида 9 та учрашувда иштирок этиб, 1 та гол урган.
У 2026 йилги Жаҳон чемпионати гуруҳ босқичида жамоасининг учала учрашувида ҳам майдонга тушган, аммо гол ура олмаган. Канада терма жамоасига қарши 1/16 финал баҳсида (0:1) эса иштирок этмаган.
