2021 йил 18 январ куни Адлия вазирлиги томонидан №312-реестр тартиб рақами билан“Туризмни ривожлантириш” Ассоциацияси давлат рўйхатидан ўтказилди. Янги тузилмага Одилов Дилшоджон Тўлқинович раис этиб тайинланди. Бу ҳақда "Ўзбекистон Экспортчилари" уюшмаси Матбуот хизмати хабар бермоқда.
Дилшоджон Одилов, 2005-2009 йилларда "ICОМ" масъулияти чекланган жамияти таъсисчиси, 2006-2009 йилларда "Grand Mir" (4 юлдуз) савдо ва маркетинг бўлими етакчи мутахассиси, 2009-2013 йилларда эса "Grand Mir" (5 юлдуз) савдо ва маркетинг бўлими бошлиғи лавозимида ишлаган.
Шу билан бирга 2013 йил "PosSystems" масъулияти чекланган жамияти ҳаммуассиси, 2014-2016 йилларда “Gloria Hotel” (4 юлдуз) меҳмонхона бош менежери сифатида фаолиятини давом эттирган.
Ҳозирда, "Дунё бўйлаб" телеканалининг “Иш бор” реалити шоуси лойиҳаси муаллифи ва шу билан бир қаторда "HotelPro" масъулияти чекланган жамияти асосчиси ва директори лавозимида фаолият юритмоқда.
