АҚШ президенти Жо Байден келаси ҳафта иммиграция бўйича янги режаларни эълон қилиши мумкин.
Бу ҳақда президентнинг матбуот котиби Жен Псаки журналистларга маълум қилди.
"Келгуси ҳафтада президентнинг иммиграция бўйича айтадиган янгилиги бор", – деган Псаки.
Аввалроқ АҚШ телеканаллари Байденнинг қочқинларни қабул қилиш бўйича фармонни имзолашга тайёрланаётгани ҳақида хабар тарқатган эди.
Дональд Трамп президентлиги даврда АҚШда қочқинлар амалда умуман қабул қилинмай қўйганди. 2021 йил учун эса атиги 15 минглик лимит белгиланганди. Аслида коронавирус пандемияси туфайли қочқинлар шундоқ ҳам мамлакатга киритилмаётган эди.
