Aфроамерикаликларни камситишга, ирқчилик ва зўравонликка қарши бўлган Aмериканинг "Black Lives Matter" ҳаракати Нобел мукофотига номзод бўлди. Ушбу ташаббусни Норвегия парламенти депутати Petter Eide илгари сурди, дея хабар берди Guardian.
Норвегия парламенти депутати бу ҳаракатни бутун дунёга таллуқли бўлган "ирқий камситишларга қарши глобал кураш"нинг муҳим қисми дея эътироф этди.
"Black Lives Matter" ҳаракати 2013 йилда Aлисия Гарза, Патрисс Каллорс ва Опал Томети томонидан қора танли ўспирин Трайвон Мартинни отиб ўлдирган патрул ходими Жорж Зиммерманни суд оқлаганидан кейин ташкил этилган. Ҳаракат афроамерикаликлар Майкл Браун ва Эрик Гарнернинг ўлимига қарши 2014 йилги норозилик намойишларидан кейин янада кенгроқ тарқалди. 2020 йилда Миннеаполисда афроамерикалик Жорж Флойдни полиция томонидан ўлдирилиши оқибатида "Black Lives Matter" норозилик намойишлари AҚШ ташқарисида, дунёнинг ўнлаб мамлакатларида ҳам тарқалди. Намойишларга Қўшма Штатлар бўйлаб ғалаёнлар ва погромалар, жумладан, қулликни илгари сурган тарихий шахсларнинг ёдгорликларини бузиш ҳам қўшилди.
2020 йил декабр ойида #BlackLivesMatter Twitter-даги #COVID19 дан кейин иккинчи ўриндаги, энг машҳур ҳаштагга айланди. Bloomberg "Black Lives Matter" ҳаракати асосчиларини 2020 йилда "Йил одамлар"и қаторига киритди.
