Биринчи Президентимизнинг босиб ўтган муҳим тарихий воқеаларга бой, кўпчилик учун номаълум бўлган ҳаётий лавҳаларидан воқиф бўлинг... (фото)
30 январь, Ўзбекистон Республикаси Биринчи Президенти туғилган кун... &...
30 январь, Ўзбекистон Республикаси Биринчи Президенти туғилган кун...
“БУТУН ОЛАМНИ ҚАЛБИДА ЖО ЭТГАН ЮРАК”
БИРИНЧИ ПРЕЗИДЕНТНИНГ ЁРҚИН ХОТИРАСИГА БАҒИШЛАНАДИ
30 январь. Бу сана ўзбек халқи учун бегона эмас. Биринчи Президентимиз Ислом Абдуғаниевич Каримов агар ҳаёт бўлганида бу йил ана шу санада 83 ёшни қарши олган бўларди...
Президент Шавкат Мирзиёевнинг 2017 йил 25 апрелдаги тегишли қарори асосида Биринчи Президентимизнинг хотирасини абадийлаштириш ва меросини ҳар томонлама ўрганиш мақсадида тузилган Президент ҳузуридаги Биринчи Президентимиз Ислом Каримов номидаги илмий-маърифий ёдгорлик мажмуаси билан яқиндан таништиришга аҳд қилдик. Бу борада тўлиқ маълумот олиш мақсадида санъатшунос Манушак АРУШАНОВАга юзландик...
И.Каримовнинг ёрқин хотирасига бағишланган «Бутун оламни қалбида жо этган юрак» номли кўргазма 2018 йилнинг 27 январида ўз иш фаолиятини бошлаган.
Мажмуага кираверишда 2017 йилда академик Илҳом Жабборов томонидан бронзадан ясалган Биринчи Президентимизнингмаҳобатли ҳайкали қалбингизга ажиб илиқлик бағишлайди. Мазкур ҳайкалнинг баландлиги 11 метр 45 см.
— Ислом Каримов доим менга энг муҳим “детал”ларни сўзлаб берарди. Бу эса ишларимдаги ижодий ўзига хосликни таъминларди. Биринчи Президентимизнинг ҳайкалини ясаётганимда унинг ёнимдалигини ҳис қилиб турардим. Бу мен учун муҳим эди. Ҳайкалларим Тошкент, Самарқанд ва Қаршига ўрнатилган, бу билан фахрланаман.
«Бутун оламни қалбида жо этган юрак» кўргазма зали 2 қисмдан: катта ва кичик заллардан иборат. Катта залдан 44 та санъат асарлари, кичик залдан эса 72 та фотосурат ва 4 та ҳайкаллар ўрин эгаллаган.
Мазкур катта залдан Биринчи Президентимизнинг шахсан ўз ғояларига кўра, 1999 йилда рассомлар А.Икромжонов ва С.Рахметов томонидан чизилган “Лолазор” номли табиат манзараси тасвирланган расм ҳам ўрин олган.
Ислом Каримов 1945 йилда Самарқанддаги А.С.Пушкин номидаги 21-мактабга ўқишга кириб, уни олтин медал билан тамомлади. 7-синфлигида турли тўгаракларга қатнашган. Расмда самолёт макетини ясаётганлари тасвирланган.
Биринчи Президентимиз институтда ҳарбий кафедрада ўқиган.
1928 йил. Расмда Биринчи Президентимизнинг ота-онаси, акалари тасвирланган. Ислом Каримов эса бу оилада 10 йилдан сўнг таваллуд топган.
Биринчи Президентимиз уч акаси билан.
Дўрмондаги боғида немис ити Барик билан тушган фотоси.
Дўрмондаги боғида ўз қўллари билан меҳнат қилаётган ҳолати тасвирланган.
Рафиқаси Татьяна Каримова билан турмушларининг 30 йиллиги муносабати билан тушилган расм.
Биринчи Президентимиз мактаб даврларида аниқ фанларни ёқтирарди. Шу боис шахмат, моделлаштириш ва стол теннисига қизиққан.
Бўш вақтлари, масалан, самолётда ҳам доим ақлий меҳнат билан шуғулланган.
50 ёшдан сўнг умрининг сўнгига қадар ҳафтада 3 маротаба 1 соатдан катта теннис билан шуғулланган. Спортни ривожлантиришга улкан ҳисса қўшган. 2016 йил Риодан қайтган боксчиларимиз яққол мисол бўла олади.
Қримда бўлиб ўтган Саммитдаги танаффус вақтида туширилган расм.
Ёзувчилар билан дўстона суҳбат жараёнидан.
Мажмуада Биринчи Президентимизнинг босиб ўтган муҳим тарихий воқеаларга бой, кўпчилик учун номаълум бўлган ҳаётий лавҳаларидан воқиф бўласиз.
Катта залга қадам қўяр экансиз, рассомлар томонидан Биринчи Президентимизни турли даврларда акс эттирилган портретлари эътиборингизни тортади. Таъкидлаш жоиз, Ислом Каримов табиатан камтарлиги боис сира ўз расмини натура ҳолатида чиздирмаган. Залдан ўрин олган портретлар эса фотоларга қараб чизилган.
2017 йил Халқаро танловдаги 68 та ижодий ишлар орасида 2-ўринни қўлга киритган бронзадан ясалган ҳайкал. Ҳайкал муаллифи Ж.Анназаров.
Биринчи Президентимизнинг ўсмирлик даврлари: ҳаётининг бошланиш йўли. Рассом В.Мазитов расмда турли қийинчиликларни енгиб ўтиб, юқори чўққига чиққанини рамзий маънода тасвирлаган. Асарда 8 та турна акс эттирилган. Боиси ҳар бир турна 10 йиллик умр рамзи. Мазкур кўргазмали мажмуа ҳам Биринчи Президентимизнинг айнан 80 ёшлиги санаси муносабати билан очилган эди.
Москвада ўрнатилган ҳайкалнинг макети (2018 й.). Ҳайкал ортида Регистон ва иккита умр дарахти тасвирланган. Мазкур ҳайкал муаллифи британиялик ҳайкалтарош Пол Дэй.
Залдан Биринчи Президентимизга аталган дўстона шарж ҳам ўрин олган.
1998 йилда 60 ёшга тўлгани муносабати билан кўп рассомлар йўлбарс тасвири туширилган портретларни ҳам совға қилишган. Ҳатто атоқли санъаткор Тамарахонимнинг қизи чизган расм ҳам ўрин олган. Ушбу расм 1997 йилда Москвадан махсус юборилган.
2014 йилда туркиялик рассом Чигдем Бучак Телли хоним Ўзбекистонга келиб шахсий кўргазмасини намойиш қилган. Мазкур расмда Биринчи Президентимиз эътиборини ёш авлодга қаратгани акс эттирилган. Яъни, ёшларга ҳар соҳада имкониятлар яратиб, улар ортида пойдевор бўлиб турганлари тасвирланган.
“Нигоҳ” номли портрет эса рассом З.Қиёмов томонидан чизилган. Унда Биринчи Президентимизнинг Парижга боргани тасвирланган. Шердор мадрасасига мурожаат ва Ўзбекистонни 1990 йилдаги қийин вазиятдан олиб чиққани акс эттирилган.
Катта залдаги узун деворда 2014 йилда академик Баҳодир Жалолов томонидан чизилган 4 та катта “Буюк йўл” номли портретларга кўзингиз тушади.
“Тет-а-тет” портретида Орол фожиасини излаётган Биринчи Президентимиз гавдалантирилган. Қарама-қарши тарафда эса умид рамзи тасвирланган.
“Сайёраларнинг юзма-юз туриши” портретида Биринчи Президентимиз душманларнинг олдига ҳам кириб борганидаги нигоҳи тасвирланган. Яхшилик ва ёмонликнинг рамзий кураши акс этган. Яхшилик ғалаба қозониши эса қуёш рамзида кўрсатилган.
Биринчи Президентимиз ва қайнотаси Акбарали Азизов. Фарғонанинг гўзал манзарасида тасвирланган расм.
Катта залдан қатор олтин нишон, медал ва орденлар ҳам ўрин олган.
Экзпозициянинг якуни 1998 йилда рассом Р.Зиёдуллаев ва 2017 йилда рассом А.Калонов томонидан чизилган “Болалик ўтган кўчалар” портретлари билан тамомланган. Мазкур портретлар Биринчи Президентимизнинг 60 ёшлигига совға бўлган.
Мажмуа шанба ва якшанбадан ташқари ҳар куни соат 9.30 дан 17.00 гача ишлайди. Кириш бепул. Сана муносабати билан мажмуа бугун, 30 январь санасида ҳам ишлайди.
Шерзод Асадов мазкур давлат мукофоти билан мамлакатда амалга оширилаётган кенг кўламли ислоҳотларнинг мазмун-моҳиятини жамоатчиликка етказиш, давлат органлари ахборот хизматлари фаолиятини мувофиқлаштириш ҳамда ахборот соҳасини ривожлантиришдаги хизматлари учун тақдирланган.
