2020 йил 5 февраль куни Олий Мажлис Сенати 12-ялпи мажлисини чақиради. Бунга 1 февраль куни бўлиб ўтган Олий Мажлиси Сенати Кенгашининг мажлисида қарор қилинди, дея хабар бермоқда Олий Мажлис Сенатининг матбуот хизмати.
Маълум қилинишича, мажлис видеоконференцалоқа шаклида бўлиб ўтади. Унда “Сайлов қонунчилиги такомиллаштирилиши муносабати билан айрим қонун ҳужжатларига ўзгартиш ва қўшимчалар киритиш тўғрисида”ги, “Аудиторлик фаолияти тўғрисида”ги, “Жиноят ҳамда Жиноят-процессуал кодексларига ўзгартиш ва қўшимчалар киритиш тўғрисида”ги, “Ўзбекистон Республикасининг айрим қонун ҳужжатларига ўзгартишлар киритиш тўғрисида”ги, “Халқлар дўстлиги кунини белгилаш тўғрисида”ги қонунлар муҳокама қилиниши режалаштирилган.
Шунингдек, “Илм, маърифат ва рақамли иқтисодиётни ривожлантириш йили”га режалаштирилган давлат дастурининг ижроси бўйича Вазирлар Маҳкамасининг ҳисоботини ўрганиш натижалари муҳокама қилиниши кўзда тутилган, дейилади хабарда.
