Кино дарслари энди "Ўзбеккино"да олиб борилади, дея хабар бермоқда "Ўзбеккино" Миллий агентлиги Ахборот хизмати.
Жорий йилнинг 27 январь куни “Ўзбеккино” Миллий агентлигида Ўзбекистон давлат санъат ва маданият институти билан ҳамкорлик бўйича меморандум имзоланган эди.
Юқоридаги келишувдан келиб чиқиб, бугундан институтнинг "Кино режиссёрлиги, телевидение ва радио" кафедраси ўқитувчиси Музаффар Қорабоев талабалар учун дарс бера бошлади.
Дарслар "Ёшлар ижодий-тажриба студия"нинг Кинолабораториясида бўлиб ўтмоқда.
