Сан-Марино Ўзбекистон билан дипломатик муносабатлар ўрнатган 136-давлат бўлди. Бу алоқалар мустаҳкамланган протоколни икки давлатнинг Италиядаги элчилари имзоладилар.
Ўзбекистон Сан-Марино дунёнинг энг кичик давлатларидан бири (ҳудуди 61 кв. Км) билан дипломатик алоқалар ўрнатди.
3 февраль куни Римда дипломатик муносабатлар ўрнатиш тўғрисидаги протоколни Ўзбекистоннинг Италиядаги элчиси Отабек Aкбаров, Сан-Маринодан эса мамлакатнинг Италиядаги элчиси Даниела Ротондаро имзолади. Ҳужжат икки мамлакатда ички процедуралар тугагандан сўнг кучга киради.
Сан-Марино жанубий Европада жойлашган ва ҳар томондан Италия ҳудуди билан ўралган. Сан-Марино дунёдаги энг қадимги конституциялардан бирига эга бўлган Европанинг энг қадимги давлати ҳисобланади (тарихи 301 йилга бориб тақалади). Бундан ташқари, Сан-Марино жон бошига ЯИМ кўрсаткичи бўйича дунёдаги энг бой мамлакатлардан бири (2020 йилда киши бошига 56690 доллар).
Сан-Марино элчиси мамлакат инвестицияларни ўзаро ҳимоя қилиш ва рағбатлантириш, икки томонлама солиққа тортилмаслик тўғрисидаги икки томонлама шартномаларни ишлаб чиқишга ва имзолашга тайёрлигини билдирган. Унинг таъкидлашича, Европа Иттифоқи билан яқин алоқада бўлган Сан-Марино ўзбек компаниялари ва экспортчиларига Европа бозорларига чиқиш имкониятларини тақдим этиши мумкин.
Туризм алоқалари мустаҳкамланиши кутилмоқда. Йилига 3 миллиондан зиёд сайёҳни қабул қиладиган Сан-Марино бу борада билим ва тажриба алмашишга тайёр, дейди Даниела Ротондаро.
