Бу ҳақда kommersant хабар берган.
Ҳиндистоннинг Уттаракханд штатида музлик кўчиши содир бўлди. 14 кишининг ҳалок бўлгани тасдиқланди, 6 киши жароҳатланган, 17 нафарга яқин киши бедарак йўқолган.
Риши Ганга ГЭСида ишлаган бир неча ишчи бедарак йўқолган. Уттараханд бош котиби Ом Пракашнинг айтишича, Чамоли округидаги тошқинда 100 нафардан 150 нафаргача киши ҳалок бўлган бўлиши мумкин.
Сўнгги маълумотларга кўра, Тапован энергетика лойиҳасининг тўғони бузилиши оқибатда тошқин содир бўлган. Жабрланган ҳудудларга қутқарувчилар ва биринчи ёрдам кучлари юборилган, эвакуация ишлари олиб борилмоқда.
Сув тошқини муносабати билан Уттаракханда ҳукумати дарёнинг гидроэлектрстанциялардан қуйи қисмларида жойлашган қишлоқлар аҳолисини эвакуация қилди. Шунингдек, Шринагар, Ришикеш ва Харидвар шаҳарларидаги сув омборлари сувлари фавқулодда ҳолатнинг олдини олиш мақсадида қўйиб юборилди, дейилади хабарда.
