Аёл кишининг пичок қўтариб кимгадир зарар беришини эшитишнинг ўзиёқ кўнгилни ғаш қиладиган ҳолат. Аммо минг афсуски ана шундай дахшатли воқеа Қашқадарёда содир бўлди. Бу ҳақда "Замон" хабар қилди.
Жорий йилнинг 6-февраль санасида соат 20:00 атрофида икки аёл ўзаро гаплашиб олмоқчи бўлиб учрашишади. Улардан бири тўсатдан пичоқ чиқариб шеригига зарба беради. Aммо иккинчи аёл, пичоқни қўли билан тутиб олиб, "рақиби"ни бўйин ва юз қисмига жиддий зарба беради. Қаттиқ жароҳатлар олган аёл реанимация бўлимига ётқизилади.
Вазият ҳақида масъуллар жанжал оқибати рашк эканини айтишмоқда.
