Россия ва Ўзбекистоннинг "Қуёш лаззати" деб номланган қўшма лойиҳасини тасвирга олиш учун тайёргарлик жараёнлари бошланиш арафасида, дея хабар берди "Ўзбеккино" Миллий агентлиги Ахборот хизмати.
Яқинда "Спутник Восток Продакшн" компанияси ижодий гуруҳининг Ўзбекистонга ташрифи кутилмоқда. "Қуёш лаззати" фильми оилавий саргузашт фантазия жанрида суратга олинади.
Фильм "Қуёш лаззати" деб номланган бўлиб, у айнан ўзбек қуёшининг сеҳрини намоён этади, - дейди фильм продюсери Александр Кессел.
Таъкидлаш жоизки, айни кунларда Россияда кастинг давом этмоқда. Кастингда Дмитрий Нагиев, Николай Фоменко, Алексей Горбунов, Никита Манец, Александр Михайлов, Олга Сутулова, Евгений Цыганов, Елена Лядова, Павел Деревянко, Виктория Исаковалар иштирок этмоқда.
Эслатиб ўтамиз, "Ўзбеккино" Миллий агентлиги 2020 йил октябрь ойида Россиянинг «Спутник Восток Продакшн» кинокомпанияси билан "Қуёш лаззати" фильмини суратга олиш бўйича меморандум имзолаган эди.
