Жиззах вилоятининг Дўстлик туманида содир бўлган мазкур мудҳиш ҳодиса тафсилаотлари “Замон” информацион дастурида маълум қилинди.
Тафсилотларга кўра, уй шароитида тайёрланган консервадан заҳарланган фуқароларга шифохонага келиши билан керакли муолажалар қилинган. Хонадоннинг 26 ёшли келини кўрсатилган тиббий ёрдамга қарамай вафот этган. Шифокорнинг маълум қилишича, марҳума заҳарланганидан кейин ҳам бир ярим кун давомида шифокорга мурожаат қилмаган.
Келиннинг қайнотасининг сўзларига кўра, келин помидорли консервадан бир кун аввал еган ва эртаси куни эрталаб мазаси бўлмай, қайд қилган. Аммо бу ҳақда ҳеч кимга айтмаган. Шундан сўнг ушбу консервадан тушга яқин аёлнинг турмуш ўртоғи ва қайнота ҳам еб кўрган. Кейинчалик уларда ҳам ботулизм белгилари кузатилган. Келинчак, 1995 йилда туғилган Х.Ғ. шифохонага олиб келинганида жуда ҳолсиз ва сўзлаша олмайдиган ҳолатда бўлган.
Эслатиб ўтамиз, 7 февраль куни Самарқандда ҳашарга чиққан 5 киши уй шароитида тайёрланган консервадан заҳарланиб, улар орасидан 19 ёшли йигит ҳалок бўлган эди.
