Жисмоний тарбия ва спорт вазирлиги ахборот хизмати маълум қилишича, халқаро шахмат федерацияси, яъни ФИДE февраль ойи учун ўзининг янги рейтинг жадвалини эълон қилди. Эътиборлиси, ташкилотнинг ўсмирлар рейтингида икки нафар ҳамюртимиз кучли ўнталикдан жой олишди. Булар – Нодирбек Абдусатторов (рейтингда 4-ўринни эгаллаб турибди) ҳамда унинг адаши Нодирбек Ёқуббоевдир (8-ўрин).
Яна икки нафар ёш ва иқтидорли шахматчиларимиз TOP-30га киритилган. Дунёдаги энг ёш гроссмейстерлардан бири Жавоҳир Синдоров 26-поғонада қайд этилган бўлса, Шамсиддин Воҳидов 30-ўринни эгаллаб турибди.
