Фавқулодда вазиятлар вазирлиги Ахборот хизмати хабарига кўра, 2021 йил 19 февраль куни соат 09:05да Жиззах шаҳар “Саноат А” ҳудудида жойлашган “MASTER BILDING PRODOKT” пластмасса қувурлари ишлаб чиқариш қўшма корхонаси худудида жойлашган компрессор биносида ёнғин юзага келганлиги тўғрисида ёнғин-қутқарув хизматига хабар келиб тушган.
Хабар асосида воқеа жойига ёнғин ўчириш экипажлари соат 09:10да етиб боришган, ёнғин соат 09:18да ўраб олиниб, 09:40да тўлиқ ўчирилган. Ёнғин натижасида бинонинг тахминан 90 кв.м майдонида шифт қисми ҳамда ускуналари ёнган. Олиб борилган ҳаракатлар натижасида ишлаб чиқариш цехининг 1400 кв.м майдони ёнғиндан сақлаб қолинган.
Тан жароҳати олганлар ва ҳалок бўлганлар қайд этилмаган. Ҳозирда ёнғин сабаби ва моддий зарар миқдори аниқланмоқда, дейилади хабарда.
