АОКАда бўлиб ўтган брифингда Коронавирусга қарши кураш штаби аъзоси Ботир Қурбонов Ўзбекистон коронавирус тарқалиши даражасига кўра ЖССТ рейтингида нечанчи ўринда туришини маълум қилди.
«2021 йил 24 феврал соат 8:00 ҳолатига кўра, дунё бўйича коронавирус 218 та давлатда қайд этилган ҳамда 112 648 000 дан ортиқ нафар шахс ушбу касалликка чалинган.
Кеча ЖССТ жаҳонда ушбу вирус билан касалланиш кун сайин камайиб бораётгани тўғрисида расман маълумот берди. Касалликнинг кунлик кўрсаткичи 23 февралда 371 151 та ҳолатда белгиланди. Шундан 10 267 нафари касаллик туфайли вафот этган.
Ўзбекистон коронавирус тарқалиш даражасига кўра ЖССТ рейтингида 137-ўринни эгаллаган».
