Бир неча кундан буён “Ўзбеккино” Миллий агентлиги ташаббуси билан олий таълим муассасаларида бадиий фильмлар намойиши ўтказилмоқда. “Ўзбеккино” Миллий агентлиги Ахборот хизмати хабар бермоқда.
Жумладан, куни кеча ҳам Ўзбекистон Миллий университети, Тошкент давлат техника университети, Тошкент фармацевтика институти ва Жаҳон иқтисодиёти ва дипломатия университетларида Агентлик буюртмасига биноан суратга олинган бадиий фильмларнинг навбатдаги намойишлари бўлиб ўтди. Унда “Элпарвар” ва “Ёлғон гирдоби” бадиий фильмлари талабалар учун тақдим этилди.
Намойишда қатнашган талаба-ёшлар ўзбек кино санъатидаги ўзгаришларни эътироф этиб, ташкилотчиларга ўз миннатдорчиликларини билдиришди.
