Россия Президенти Владимир Путин СССРнинг биринчи ва ягона Президенти Михаил Горбачёвни 90 ёши билан табриклади. Табрик телеграммаси Кремль матбуот хизмати томонидан нашр этилди.
Путиннинг сўзларига кўра, СССРнинг собиқ президенти миллий ва жаҳон тарихига катта ҳисса қўшган, ғайриоддий шахс ва таниқли сиёсий арбобдир. Горбачёв бугун, 2 март куни 90 ёшга тўлди.
Путин Горбачёвни фавқулодда шахс, мамлакат ва дунё тарихининг ривожланишига катта таъсир кўрсатган таниқли сиёсий арбоб деб атади.
Россия Бош вазири Михаил Мишустин ҳам Горбачевни туғилган куни билан табриклади. Ҳукумат раҳбарининг таъкидлашича, СССР президентининг номи бутун дунё бўйлаб "глобал ўзгаришларнинг персонификацияси" га айланган.
