Британиялик актриса Кейт Уинслет "Los Angeles Times" нашрига берган интервьюсида Голливуддаги карьераси бошланмасидан тугашига сал қолганини айтиб берди.
Актрисанинг айтишича, режиссёр Жеймс Кемерон "Титаник" учун нега айнан уни танлаганига ҳайрон бўлган. Актрисаликнинг илк қадамларида уни кастингларга чақиришавермаган. Чунки унинг фамилияси алифбо бўйича рўйхатнинг охирида бўлган.
"Бу ҳаётимдаги биринчи америкалик аёл ролини ўйнашим эди. Бундан ташқари, партнёрим Леонардо Ди Каприо эди. Семиз ва оддийгина қиз бўлганман. Фамилиям ҳам "W" (Winslet) ҳарфи билан бошлангани учун кастинг тугул, унинг эшигигача етиб боролмасдим. Аммо «Титаник»ка қабул қилишгани ақлбовар қилмас воқеа бўлди», - дея эслайди актриса.
Кейт Уинслет "Титаник"дан кейинги қўрқув сабаб анча вақтгача Голливуд фильмларида ўйнамади. Голливуд у учун қўрқинчли жой бўлиб туюларди, у ерда ҳамма сарвқомат бўлиши шартдек эди гўё.
Кейт Уинслет етти марта "Оскар" мукофотига номзод этиб кўрсатилган бўлса, 2009 йил «The reader» фильмидаги роли учун ушбу мукофотни қўлга киритган.
Ҳозир у Жеймс Кемероннинг янги – 2022 йилда экранларга чиқиши кутилаётган "Avatar" фильмининг иккинчи қисмида бош ролни ижро этмоқда.
"Ўзбеккино" Миллий агентлиги Ахборот хизмати
