Наманган вилояти бошқа вилоятларга ўрнак қилиб кўрсатилиши бежизга эмас. Йирик, ўрта ва кичик тадбиркорликка кўмак бериш, янги иш ўринлари яратиш борасида вилоят олдинги ўринларда. Президент Шавкат Мирзиёевнинг Наманган вилоятига қилган ташрифи чоғида Норин туманини ҳам “оғир” туманлар сафида тилга олган эди. Шундан сўнг вилоят ҳокимлиги, Иқтисодий тараққиёт ва камбағалликни қисқартириш бошқармаси “оғир” ҳудудлар ҳисобланган туманлар: Норин, Чуст, Мингбулоқ ва Уйчи туманларининг иқтисодий барқарорлигини тиклаш юзасидан саъй-ҳаракатларни бошлаб юборишди.
ТЎЙГА ТЎЁНА!
Биргина кеча 7 март кунининг ўзида Норин туманида жами 300 та иш ўрни яратилди, дейди Наманган вилояти ҳокимининг 1-ўринбосари Толибжон Юсупов.
Унинг таъкидлашича, Норин туманида “Маҳаллабай” ишлаш тизими бўйича тегишли объектларда 8 март – “Халқаро хотин-қизлар байрами” арафасида айёлларга гўзал эҳтиром кўрсатиш ва байрамона кайфият бахш этиш мақсадида турли лойиҳалар ишга туширилди. 246 та хонадонларга тижорат банклари томонидан оилавий тадбиркорликни қўллаб-қувватлаш учун жами 4,9 млрд.сўм имтиёзли кредитлар ажратилди.
Жумладан:
- Чорвачилик йўналишига 71 та ёки 1 211,0 млн.сўм;
- Тикувичлик йўналишига 93 та ёки 1 177,0 млн.сўм;
- Иссиқхона йўналишига 70 та ёки 1 344,0 млн.сўм;
- Паррандачилик йўналишига 6 та ёки 174,0 млн.сўм;
- Асаларичилик йўналишига 5 та ёки 121 млн.сўм;
- Қандолатчилик йўналишига 2 та ёки 60,0 млн.сўм;
- Ҳунармандчилик йўналишига 1 та ёки 30,0 млн.сўм;
- Бошқа соҳа йўналишига 25 та ёки 1 388,0 млн.сўм имтиёзли кредитлар ажратилди.
Шундан, “Ёшлар” дафтарига киритилган 99 та ёшларга 1,9 млрд.сўм ҳамда “Аёллар” дафтарига киритилган 88 та аёлларга 1,3 млрд.сўм ёки жами 3,2 млрд.сўм имтиёзли кредитлар ажратилди.
БУ ҲАЛИ ҲАММАСИ ЭМАС!
“Норин туманида “Бойовул” маҳалласининг “ўсиш драйвери” этиб лимончилик йўналиши белгиланди. Ушбу маҳаллада 1 йилда ўртача 1 млн. 800 минг дона лимон кўчатлари етиштирилади. Кўчатларни нафақат Наманган вилояти балки бошка вилоятларга ҳам етказиб бериш йўлга қўйилган. Ҳозирда мазкур маҳалланинг 385 та хонадонида лимон кўчатлари етиштирилаётган бўлса, жорий йил якунига қадар “Туронбанк” АТБ томонидан ажратиладиган 1,3 млрд. сўм миқдоридаги имтиёзли кредит маблағлари хисобига 150 дан ортиқ хонадонларга ихчам иссиқхоналар қурилиб, лимон етиштирувчи хонадонлар сонини 500 тага етказилади. Ҳозирда 16 та хонадонда ихчам иссиқхоналар қуриш ишлари бошлаб юборилди. Шунингдек, ушбу маҳаллада лимончиликни ривожлантириш ҳамда аҳолини лимончилик йўналишидаги билим ва кўникмаларида ошириш мақсадида мазкур маҳаллада жойлашган касб-ҳунар коллежида лимончи “Валижон Маҳмудов” номидаги лимончилик мактаби очилди”, - дейди Толибжон Юсупов.
Шунингдек, 7 март куни Халқ банки тонидан “Тегирмонбоши” МФЙсидаги 38 та хонадонга жами 57 бош, шундан 30 бош йирик ва 27 бош майда шохли чорва хайвонлари тарқатилди. Шуни алоҳида таъкидлаб ўтиш жоизки, чорва хайвонлари тарқатиш жараёнида “Ёшлар”, “Аёллар”, “Темир” дафтардаги оилалар қамраб олинган.
ЧУСТ ТУМАНИГА ЎТСАК...
Чуст туман 1-сектор худудидаги Баймок, Истиклол, Шербилак, Дам, Кизилтепа МФЙлардаги “Аёллар дафтари”, “Ёшлар дафтари” ва “Темир дафтар”га киритилган ишсиз аёллардан 130 нафарини бандлигини таъминлаш максадида Бандлик жамғармасидан субсидия ҳисобига 3-сонли касб-ҳунар мактабига қарашли бўш турган бинода “Чуст Мақсудбек текстил” ишлаб чиқариш тикувчилик кооперативи ҳамда Чуст туман 3-сектор ҳудудидаги 40 нафар аёллар бандлигини таъминлаш мақсадида Бандлик жамғармасидан субсидия ҳисобига тадбиркор ўзига қарашли бўш турган бинода “Алимрон текстил” ишлаб чикариш тикувчилик кооперативи ташкил этилиб, жами 170 та иш урни яратилган.
Бу сонлар эса бир кунлик кўрсаткичларни ифодалайди. Вилоят мутасаддиларининг камбағаллик билан курашиш йўлидаги фаолиятини кузатишда давом этамиз.
Сардорбек Раҳмонқулов
