Ижтимоий тармоқларда "Tashkent city"да жойлашган“Nest One” биносида ёнғин чиққани акс этган видеолар тарқалди.
ФФВ берган хабарга кўра, ҳодиса бугун соат 10:02 да Олмазор кўчаси 1/А-уйда жойлашган «NESTONE» турар жой комплексидаги битмаган бинонинг ертўласида содир бўлган. Маълум бўлишича у ердаги 2 кв.м майдонда пенопласт ёнган.
Мазкур вазият юзасидан Тошкент шаҳар Фавқулодда вазиятлар бошқармасининг ёнғин қутқарув гуруҳлари зудлик билан воқеа жоийга етиб бориб, қисқа вақт ичида ёнғинни баратраф этганлар.
Ҳодисадан жабрланган ва ҳалок бўлганлар йўқлиги айтилмоқда. Ёнғин сабаби ва зарари аниқланмоқда
Эслатиб ўтамиз, 12 декабрь куни "Tashkent city"да қурилаётган уйлардан бирининг ертўласида ёнғин содир бўлган эди.
