Ўзбекистон ва Қирғизистон устав капитали 50 миллион доллар бўлган инвестиция жамғармасини яратади, кейинчалик уни 200 миллион долларга етказиш режалаштирилган. Бу ҳақда Ўзбекистон бош вазирининг ўринбосари, инвестициялар ва ташқи савдо вазири Сардор Умурзоқов ва Қирғизистон бош вазирининг ўринбосари, молия ва иқтисодиёт вазири Улукбек Кармишаков сўзларини келтирмоқда газета.уз.
Сардор Умурзоқовнинг таъкидлашича, яратилаётган жамғарма икки давлат ўртасидаги ҳамкорлик ривожланишининг катализаторига айланади.
"Инвестиция жамғармаси бир қатор янги қўшма лойиҳаларни, биринчи навбатда, саноат кооперацияси соҳасида қўллаб-қувватлайди. "Бу бугун биз фойдаланишимиз керак бўлган ўсиш нуқтасидир",– деди Бош вазир ўринбосари.
