Ромитан туманлараро иқтисодий суди раиси А.Сафаров томонидан Бухоро юридик техникумида техникум талабалари иштирокида очиқ сайёр суд мажлиси ўтказилди. Сайёр суддан сўнг суд раиси талабалар билан ўзаро мулоқотда суд мажлисида кўрилган иқтисодий иш бўйича чиқарилган ҳал қилув қарорини батафсил тушунтириб бериб, амалдаги қонунчилик асосида қандай асослар ва нима сабабларга кўра шундай ҳал қилув қарори чиқарилганлигини тушунтириб берди.
Сайёр суд мажлисида кўрилган иқтисодий иш бўйича даъвогар томонидан судга даъво аризаси киритишда қандай процессуал нормаларга риоя этилганлиги, низони судгача ҳал этиш тартиб-таомилига риоя қилишда нималарга эътибор қаратилиши кераклиги, талабнома юбориш тартиби, даъво аризасини тузиш ва уни асослашда эътибор қаратилиши лозим бўлган жиҳатлар, шартнома тузишда тарафлар қандай ҳолатларни эътиборга олишлари лозимлиги тўғрисида маълумот берилди.
Талабалар суд мажлиси жараёнининг бориши, суд мажлисида амалга ошириладиган процессуал ҳаракатлар ва уларни амалга ошириш тартиби тўғрисида саволлар билан мурожаат қилиб, уларга батафсил жавоб олдилар.
Очиқ мулоқот давомида талабаларга суд-ҳуқуқ соҳасида қонунчиликка киритилган ўзгартириш ва қўшимчалар, “Бир суд – бир инстанция” таомили ҳақида батафсил маълумот берилди ҳамда улар суд раисидан ўзларини қизиктирган бошқа саволларга ҳам жавоб олдилар.
30.11.2022, 21:19
Жиноят ишлари бўйича Мирзо Улуғбек туман судида 100 нафар жабрланувчини ишончига кириб, қарийб 550 миллион сўмни талон тарож қилган 3 нафар судланувчига оид жиноят иши...28.11.2022, 12:43
Аввал хабар қилганимиздек, бугун, 28 ноябрь куни Бухоро вилоят суди биносида 2022 йил 1-2 июль кунлари Нукус шаҳрида содир этилган оммавий тартибсизликларга доир жиноят иши...27.10.2022, 19:44
Ижтимоий тармоқларда икки нафар қизнинг беҳаё ҳаракатлари акс этган видео тарқалиб кўплаб муҳокамаларга сабаб бўлган эди. Мазкур ҳолат юзасидан Бектемир тумани ИИО ФМБ томонидан Ю.Б. ҳамда...18.10.2022, 13:41
Жиноят ишлари бўйича Шайхонтоҳур тумани судининг очиқ суд мажлисида қасддан одам ўлдириш жиноятини содир этганликда айбланган, 1999 йилда туғилган жиноятчи оид суд иши кўриб чиқилди,...