Истанбулнинг Истиқлол хиёбонида жойлашган тарихий Атлас кинотеатри ўзининг асл ҳолатига қайтарилди ва 2019 – 2020 йиллар давомида Маданият ва Туризм Вазирлиги ташаббуси билан энг кичик деталларигача янгиланди.
Куни кеча бу тарихий жой Туркия Президенти Ражаб Тойиб Эрдўған томонидан тантанали равишда очиб берилди ҳамда унда дунёга машҳур режиссёр Гуй Ритчие, актёрлардан Жасон Статман, Жош Ҳартнетт, Жасқуи Аинслей, шу жумладан Ритчиенинг Анталияда суратга олинаётган янги “Five Eyes" фильми актёрлари ҳам иштирок этишди.
Атлас кинотеатри икки йиллик машаққатли меҳнат туфайли ўзининг асл ҳолатига мутаносиб тарзда тикланди. Илк маротаба 1948 йилда кино мухлисларига ўз эшикларини очган кинотеатр, саҳнасидан тортиб ўриндиқларигача, овоз тизимидан тортиб фойесигача тўлиқ таъмирланган. Янгиланган кинотеатр санъат ихлосмандларига 483 ўринли жойлари, 4К тасвир сифати ва 13 га 7 ли саҳнаси билан юқори даражада хизмат кўрсатади. Кинотеатрнинг кўп функцияли саҳнаси жонли театр ва бошқа кўплаб санъат асарларини яратиш имконини беради.
Атлас кинотеатри билан бир бинода жойлашган Кино музейи ўтмишдан ҳозирга қадар бўлган турк киноматографияси намуналарини ўзида жамлаган рақамли хотира ҳовузи мавжудлиги билан кино маданиятига катта ҳисса қўшади. Меҳмонлар турк киноматографиясига оид 8 мингдан ортиқ киноларнинг қисқача таърифини томоша қилишлари мумкин. Музейда ёш кино мухлислари учун таълимий тарзда яратилган дунё ва турк киноси дурдоналарининг алоҳида тафсилотларига оид муҳим маълумотлар ва ҳужжатлар ҳам намойиш қилинади. Шунингдек, йиллар давомида турк киноси қўлга киритган кўп сонли миллий ва халқаро мукофотлар намойиш этилади.
Қачон, қаерда ва ким томонидан қурилган?
Истанбулнинг Тақсим мавзеси, Истиқлол хиёбонида жойлашган Атлас кинотеатри 1948 йилда очилган. Кинотеатр биноси 1870 йилда Султон Абдулазиз даврида қурилган. Бейўғлу қайта қуриш жараёнининг гўзал мисолларидан бири бўлган бу иншоотнинг олд томони XIX аср охири неоклассика услубининг ёрқин намуналаридан биридир. У мислсиз ўзига хос шифт безаклари, гипсли рельефлар, мармар каминлар, паркет поллар ва бошқа кўплаб меъморий элементлари билан ўша давр санъатини ўзида акс эттиради. Афсонаний кинотеатр Атлас Пасажи номли растада жойлашган. Шу сабабли, Тақсимда яшовчи аҳоли йиғиладиган муҳим жойлардан бири бўлган. Музей шаҳар тарихида муҳим роль ўйнайдиган Атлас кинотеатрини қайта тикланишига ёрдам беради. Кинотеатр йиллар давомида турк киносининг маркази бўлган Яшилжом кўчаси ёнида жойлашган. Истанбулнинг Атлас кинотеатри ва кино музейи Бейўғлу маданий йўлининг муҳим бекатларидан бири бўлади.
Гуй Ритчие ўзининг янги фильми — “Five Eyes”ни суратга олиш учун Туркияни танлади
Очилиш маросимида дунёга машҳур кино юлдузлар, режиссорлар ва продюсерлар қатнашишди. Туркиянинг Анталия шаҳрида ўзининг янги фильмини суратга олаётган Гуй Ритчие ва бутун дунёга машҳур актёрлар Jasos Statham, Josh Hartnett, Jacqui Ainsley маросимда қатнашганлар рўйхатидан жой олди.
Анталиянинг кўргазмалар биноси ва Калаичи тарихий марказида суратга олинаётган “Five Eyes” фильми, Маданият ва Туризм Вазирлигининг саъй-ҳаракатлари натижасида катта суратга олиш майдонига айланди. Иван Аткинсон ва Марн Давиес томонидан ёзилган, Гуй Ритчие томонидан суратга олинаётган, Жасон Статҳам ва Аубрей Плаза, Малоне ва Сарй Элвс лар томонидан роль ижро этилаётган “Five Eyes” фильми, бутун дунёга катта хавф туғдираётган янги технологияли қурол савдосининг олдини олиш мақсадида халқаро махфий иттифоқ томонидан ёлланган агент M16 Orson Fortune ҳақидаги фильмдир.
