Бош вазир Абдулла Арипов раислигида ўтказилган йиғилишда вилоят ва туман марказларида Наврўз умумхалқ байрамини катта сайил тарзида ўтказмаслик, байрамни фақат маҳаллалар миқёсида кўп одам йиғмасдан ўтказиш тавсия этилган эди.
Аммо эстрада хонандаси Жаҳонгир Позилжонов иштирокида Андижон вилояти Шаҳрихон туманида ўтказилган байрам тадбиридан тўғридан-тўғри эфирга узатилган видеолавҳага кўра, тадбир вақтида ижтимоий масофани сақлаш устидан назорат ўрнатилмаганлигининг гувоҳи бўлишингиз мумкин.
