АҚШнинг собиқ президенти Дональд Трамп икки-уч ойдан сўнг ўзининг хусусий ижтимоий тармоғини очмоқчи.
“Fox News” бу ҳақда Трампнинг маслаҳатчиси Жейсон Миллер берган маълумотга асосланиб ахборот тарқатган. Миллернинг айтишича, бу ўн миллионлаб фойдаланувчини бирлаштирган йирик ижтимоий тармоқ бўлади. Хабарда бошқа маълумотларга аниқлик киритилмаган.
Эслатиб ўтамиз, аввалроқ Трамп ўз фикрини билдириб бориш учун “Twitter”дан фойдаланган ва унинг саҳифасида 89 миллионга яқин обуначи бўлган.
