Хитойдан олиб келинаётган вакцина умумий қанча пул туради ёки Ўзбекистонга бепул бериляптими? Бу саволга Ваксина.уз каналида жавоб берилди.
ZF-UZ-VAC2001 вакцинасининг нархи бўйича маълумотларни очиқламаслик тўғрисидаги давлатлараро шартнома имзоланган. Лекин шунга қарамай, Ўзбекистон мазкур вакцинанинг ҳаммуаллифи бўлгани ва вакцинанинг III-фаза синовларида фаол иштирок этгани боис вакцина ишлаб чиқариш нархларида Ўзбекистонга сотилди, деган маълумотни беришимиз мумкин. Яъни Ўзбекистон томонидан вакцинанинг фақатгина ишлаб чиқариш харажатлари қопланяпти.
