Жаҳон соғлиқни сақлаш ташкилоти (ЖССТ) Бош директори халқаро ҳамжамиятга эмлаш кампаниясини ҳали бошламаган 20 мамлакат учун 10 миллион дозада коронавирус вакцинасини ажратиш зарурлигини яна бир бор таъкидлади. Женевадаги брифингда сўзлаган Тедрос Аданом Гебрейесус ўтган ҳафта қилган сўрови ҳали амалий натижаларга эга эмаслигини айтди, дея ёзмоқда ТАСС.
"Ўтган ҳафта мен Жаҳон соғлиқни сақлаш ташкилоти томонидан COVID-19 вакциналари учун фавқулодда вакциналарни тавсия қилган мамлакатларга 10 миллион дозани зудлик билан тақсимлаш тўғрисида шошилинч мурожаат қилдим", деди бош директор ...
Ушбу 10 миллион дозага вакцинани ҳали қабул қилмаган 20 давлат соғлиқни сақлаш ходимлари ва қарияларни 2021 йилнинг 10 апрелига қадар эмлашни бошлаши учун керак, деб тушунтирди ЖССТ раҳбари. "Мурожаат тингланди, аммо биз ҳали ҳам айтиб ўтилган дозалар бўйича ваъдаларни олмадик", - дея хулоса қилди Гебрейесус ва давлатлар раҳбарларининг жавобидан "ҳали ҳам умидвор" эканлигини қўшимча қилди.
ЖССТ 190 мамлакат ва иқтисодиётни ўз ичига олган COVAX механизмига катта аҳамият беради. Дастур шартларига кўра, юқори даромадли мамлакатлар кам даромадли мамлакатлар учун эмлаш учун пул тўлайдилар. Режаларга кўра, ушбу механизм доирасида 2021 йил охирига қадар 2 миллиард доза коронавирусга қарши вакциналар ишлаб чиқарилиши ва дунё бўйлаб тенг равишда тарқатилиши керак.
