Россия ҳукумати қатор давлатлардан бўлган талабалар РФ ҳудудидаги олий таълим муассасаларида ўқишни давом эттириш учун мамлакатга келишига рухсат берди. Бу ҳақда Россия Фан ва олий таълим вазирлиги матбуот хизмати хабар берган.
Хабарда айтилишича, РФ ҳукуматининг 31 март куни қабул қилинган фармойишига кўра, Ўзбекистон, Тожикистон, Венесуэла, Германия, Сурия ва Шри-Ланкадан бўлган талабалар, аспирантлар, ординатор ва тайёрлов факультетлари тингловчилари ўқишни давом эттириш учун Россияга қайтиши мумкин бўлади.
