АОКАда бўлиб ўтган брифингда Мактабгача таълим вазирлиги ахборот хизмати раҳбари Мавлуда Асқархўжаева ижтимоий тармоқларда кўтарилган воқеликлар юзасидан изоҳ берди.
Хусусан, Ўзбекистон тумани 13-сонли ОНМТТда тарбиячи Г. Усмонованинг эҳтиётсизлиги сабаб қўлидан чиқиб кетган темир қошиқ тарбияланувчи Ҳ. Имомалиевни кўзини шикастлагани, МТМ томонидан унинг даволаниш ва операция харажатлари қоплангани ва жабрланувчи оилага МТМТ дан 4 млн 700 минг сўм ундирилгани; тарбиячи Г. Усмоновага нисбатан ЖКнинг 111- моддаси 2-қисми билан айбдор деб топилиб 2 йил ахлоқ тузатиш ишлари жазоси тайинлангани айтиб ўтилди.
Худди шундай Наманган вилоятидаги МТМ тарбияланувчисининг иссиқ сувда куйиши оқибатида вафот этганлиги, ўз ишига масъулиятсизлик билан қараган барча мутасаддилар ишдан бўшатилгани ҳақида маълумот берилди.
