Ўзбекистонда халқаро имтиҳон тизимларида юқори балл тўплаган 31 ёшга тўлмаган ёшларга харажатлари тўлиқ қоплаб берилади. Бу ҳақда ЎзА хабар берди.
Хабарга кўра, бу бўйича Вазирлар Маҳкамасининг тегишли қарори 13 апрель куни қабул қилинган. Харажатларни қоплашни сўраб, имтиҳон топшириш пайтида 31 ёшга тўлмаган Ўзбекистон фуқаролари ва мамлакатда доимий яшовчи фуқаролиги бўлмаган шахслар Давлат хизматлари марказлари ёки Ягона портал орқали мурожаат қилиши мумкин бўлади.
Қайд этилишича, махсус сертификатнинг ҳақиқийлиги тасдиқлангандан сўнг Ёшлар ишлари агентлиги томонидан компенсация маблағлари Халқ банкининг ҳисоб варағига ўтказилади ва ариза берувчига СМС-хабар юборилади. Компенсацияни Халқ банки филиалидан нақд ёки нақд пулсиз шаклда олиш мумкин. 5 та халқаро имтиҳон тизими (IELTS, TOEFL, GMAT, GPE, SAT) бўйича компенсациялар 2021 йил 1 майдан бошлаб тўланади, яна 13 та имтиҳон тизими бўйича харажатлар 2022 йил 1 январдан қопланишни бошлайди. Халқаро имтиҳон тизимларининг рўйхати ва минимал балл (даража) миқдори қуйидагича белгиланди:
