АОКАда бўлиб ўтган брифингда Коронавирусга қарши курашиш штаби аъзоси Нурмат Отабеков бир йилда вакциналар харид қилиш учун 20 миллион доллар миқдоридаги маблағ сарфланишини маълум қилди.
Хабарга кўра, режали эмлаш билан боғлиқ харажатларнинг барчаси давлат томонидан қопланади. Маълум қилинишича, бугунги кунда замонавий тиббиётда режали эмлаш (эмлаш календарига мувофиқ) даставвал аҳолини 6 турдаги юқумли касалликларга қарши режали эмлаган бўлса, эндиликда эмлаш календарига мувофиқ 13 турдаги юқумли касалликларга қарши эмлаш ишлари йўлга қўйилган.
