Бугун Урганч халқаро аэропортидан Россиянинг "Fly Airlines" авиакомпаниясига тегишли "Аирбус А330" ҳаво кемасида 339 нафар юртдошларимиз Москва шаҳрига жўнаб кетди деб хабар бермоқда Урганч халқаро аэропорти матбуот хизмати.
Маълум қилинишича, "Аирбус А330"-икки турбофан двигательлари билан жиҳозланган ўрта ва узоқ масофаларга мўлжалланган кенг фюзеляжли йўловчи самолётидир. Аирбус А330 нинг биринчи парвози 1992-йил 1-ноябрьда амалга оширилган.
