Зангиота туманидаги 1-сон юқумли касалликлар шифохонада 65- қиз чақалоқ дунёга келди. Қизалоқнинг вазни 2,280 грамни ташкил этади. Унинг онасида ковид инфекцияси аниқланган.
Жонлантириш бўлими мудири Доно Жуламонованинг таъкидлашича, қизлоқда вирус аниқланмаган. Шифокорлар аёлнинг иккала ўпкаси 51-58 фоиз зарарланган, нафас етишмовчилиги 2-3 даражага ўтган ҳолатда жарроҳлик амалиёти билан қизчани эсон-омон дунёга келтиришга муваффақ бўлишган. Чақалоқ онанинг бағрига ундаги хасталик бутунлай даволанганидан сўнг берилади.
