Ўзбекистонлик талаба томонидан қутқарилган япон ўспирини "Тик-ток" учун ўзини сувга отган

ЖАМИЯТ 26.04.2021, 19:07
Теглар: Талаба, Япония
Ўзбекистонлик талаба томонидан қутқарилган япон ўспирини "Тик-ток" учун ўзини сувга отган

Аввалроқ, Японияда ўзбекистонлик талаба чўкаётган ўсмирни қутқариб қолгани ҳақида хабар берган эдик. 

Японияда таҳсил олаётган ўзбекистонлик талаба Элдор  Ўринбоев  «Дунё» АА мухбири билан онлайн шаклда суҳбатлашди.

– Мен Жиззах вилоятида 2000 йилда туғилганман, – деди у. – Ҳозир Окинава префектурасидаги Гинован шаҳрида тил мактабида таҳсил олаяпман. Дарслардан бўш пайтимизда дўстим билан денгиз соҳили бўйига айланишга борган эдик. Сузиш тақиқланган жойда бир япон боласи чўкаётганини кўриб қолиб, дарҳол унга ёрдам беришга ошиқдим ва уни қутқаришга эришдим. Ҳозир ўспириннинг аҳволи жойида, у ҳеч қандай зарар кўрмади.

У боладан кимлигини сўраганимда, тик-токер экани маълум бўлди. Ўзининг ижтимоий тармоқлардаги саҳифасига видео тасвир қўйиш мақсадида денгизга ўзини отган экан. Лекин денгиз сувининг совуқлиги ва сузиш қийинлиги учун вазиятни бошқара олмаган.

Тенгдошларимга ижтимоий тармоқларда лайк тўплаш учун ўз ҳаётини хавфга қўйиб, бундай ишларни қилмаслигини маслаҳат берган бўлардим. Бундай нохуш воқеалардан, айниқса, ота-оналаримиз қаттиқ жабр кўради.

Мен Японияда ўқишни давом эттириб туризм соҳасида етук мутахассис бўлишни орзу қилаяпман. Келажакда ушбу йўналишда Ўзбекистон ва Япония алоқаларининг ривожланишига ўз ҳиссамни қўшиш ниятидаман.

Ўзбекистон эчихонаси маълумотига кўра, ушбу воқеа ҳақида хабар тезлик билан бутун Япония бўйлаб тарқалди. Япониялик кўплаб кишилар ижтимоий тармоқларда юртдошимизнинг қаҳрамонлигини эътироф этиб, ўз миннатдорлигини изҳор қилди.

Шарҳлар

Япония Афғонистонга 106 млн долларлик ёрдам юборди

12.12.2022, 21:45

Толибон ташқи ишлар вазири Амир Хон Муттаки Япония ҳукуматига ўз мамлакатига кўрсатган 100 миллион доллардан ортиқ ёрдам учун миннатдорчилик билдирди, дея ёзмоқда "zamon.uz".Маълум қилинишича, Ташқи...
Япония императори Азиз Абдуҳакимовни олий даражадаги орден билан мукофотлади

22.11.2022, 13:21

Япония императори Ўзбекистон ҳукумати аъзосини олий даражадаги ордени билан мукофотлади. Бу ҳақда Туризм ва маданий мерос вазирлиги матбуот хизмати хабар қилди. Маълум қилинишича, Токиодаги Император саройида...
Япониядаги JATA халқаро кўргазмасида Ўзбекистон ўз миллий стенди билан иштирок этмоқда

26.09.2022, 14:05

Япониянинг Токио шаҳридаги халқаро кўргазма марказида “JATA Tourism Expo Japan 2022”  халқаро кўргазмаси бўлиб ўтмоқда. Ўзбекистон Президенти Шавкат Мирзиёевнинг “Бир тур - бутун минтақа” тамойили остидаги...
Ўзбекистонлик фуқаро мустақиллик шарафига Япониянинг энг баланд нуқтасига Ўзбекистон байроғини олиб чиқди

01.09.2022, 11:55

Ўзбекистон Республикаси Мустақиллигининг 31 йиллиги байрами шарафига Япониядаги фаол ватандошимиз Ҳобил Юсупов томонидан миллий байроғимиз Кунчиқар мамлакатнинг энг баланд нуқтаси – Фужи тоғи чўққисига олиб...
Об-ҳаво: Тошкент
Валюта курси
1